Kos en Krag uit dieselfde Grond: ‘n Dubbele Opbrengs

Het jy geweet dat agrivoltaïese stelsels watergebruik op plase met tot 20% kan verminder? Navorsers in lande soos die Verenigde State, Duitsland, en Frankryk het getoon dat die plasing van sonpanele oor gewasse nie net water bespaar nie, maar ook plante beskerm teen uiterste weer, opbrengste verhoog en hernubare energie opwek— en dít alles op dieselfde grond.

Hierdie benadering het veral in sonryke streke soos Arizona in die VSA groot sukses behaal. Navorsing toon dat gewasse soos soetrissies en tamaties beter groei onder gedeeltelike skadu omdat die skaduwee spanning op plante verminder en grondvog behou. Wetenskaplikes beskryf hierdie effek as ‘n “mikroklimatiese sinergie,” waar die afkoelende impak van die panele ‘n unieke mikroklimaat skep. Hierdie effek het groot voordele vir Suid-Afrikaanse boere, wat met gereëlde droogtes en stygende waterkoste te kampe het. Deur hierdie tegnologie te gebruik, kan hulle waterverbruik verlaag en voordeel trek uit die dubbele produksie van voedsel en skoon energie op dieselfde landgoed.

Met Suid-Afrika wat al hoe meer met energietekorte en Eskom se tariefverhogings worstel, bied agrivoltaïese stelsels ‘n alternatief wat ons boere kan help om hul energiebehoeftes beter te bestuur. Deur sonpanele op hul plase te installeer, kan boere hernubare energie teen voorspelbare koste opwek en hul afhanklikheid van die kragnetwerk verminder. Hierdie stelsel verlig nie net die impak van tariefverhogings nie, maar dra ook by tot ‘n meer volhoubare toekoms in landbou. Met ons land se groot wateruitdagings, is die potensiaal van agrivoltaïese stelsels om water en elektrisiteit te bespaar ‘n ekstra voordeel wat dit ‘n aantreklike opsie maak vir vooruitdenkende plase.

i-FAST: Innoverende Finansiering vir Landbou Solar-Oorgang

Met elektrisiteitskoste wat die hoogte inskiet, bied SB Power se i-FAST (Innoverende Finansiering vir Agraïese Solar-Transisie) ‘n unieke, risikovrye manier om sonkrag aan te neem. Deur middel van ‘n gelisensiëerde finansieringsvennoot, kan SB Power se landbou-kliënte toegang verkry tot volledig befondsde, sorgvrye sonkragstelsels. Hierdie proposisie verminder finansiële risiko’s terwyl dit kontantvloei verbeter, aangesien boere slegs betaal vir die elektrisiteit wat gegenereer word—teen tariewe laer as Eskom s’n.  Dit is beskikbaar vir alle sonkrag toepassings in die agraïese sektor.

Vir Suid-Afrikaanse boere bied i-FAST ‘n praktiese oplossing vir energiebehoeftes deur 100% finansiering, volledige gebruiksgereed installasie, en betroubare, laer-koste energie wat risiko’s verminder en kontantvloei stabiliseer.

Ons boere staan in die voorste linies om ons land te voed en te beskerm. Nou, met hierdie innoverende finansieringsgeleentheid, kan hulle beide in kos voorsien en ook in skoon energie – ’n werklike “dubbele oes”.

Meer oor i-FAST – besoek: https://www.sbpower.co.za/funding/agri-funded-solar-solutions/

Meer oor SB Power – kontak: https://www.sbpower.co.za/contact/